Қазақстан Республикасы Президентінің Қазақстан Республикасы Парламентіндегі өкілдігі Қазақстан Республикасы Президенті Әкімшілігінің құрылымдық бөлімшесі болып табылады.
Қазақстан Республикасы Президентінің Қазақстан Республикасы Парламентіндегі өкілдігі қызметінің негізгі міндеттері:
1. Президенттің құқықтық саясат саласындағы өкілеттіктерін Парламенттегі заң шығару үдерісінің барлық сатыларында іске асырылуын қамтамасыз ету;
2. Президенттің Парламентке қатысты өкілеттіктерін іске асыруын қамтамасыз ету;
3. Президенттің өзге де өкілеттіктерін іске асыруды қамтамасыз ету.
Қазақстан Республикасы Президентінің Қазақстан
Республикасы Парламентіндегі өкілдігінің басшысы
ОСПАНБЕКОВ Әмірбек Қанатбекұлы
Туған жылы: 29.11.1982 ж.
Білімі: ҚР ІІМ Б.Бейсенов атындағы Қарағанды заң институты, заңгер (2004)
«Тұран-Астана» университеті, экономист (2012).
Жұмыс тәжірибесі:
2000-2007 жылдары Қазақстан Республикасының ішкі істер органдарында қызмет етті.
2007-2010 жылдары – Қазақстан Республикасы Парламенті Сенаты депутатының көмекшісі.
2010-2013 жылдары – Қазақстан Республикасы Парламенті Сенаты аппараты Халықаралық қатынастар, қорғаныс және қауіпсіздік комитетімен өзара байланыс жасау бөлімінің бас консультанты.
2013-2019 жылдары – Қазақстан Республикасы Парламенті Сенаты аппараты Ұйымдастыру-бақылау және кадр жұмысы бөлімі меңгерушісінің орынбасары.
2019-2021 жылдары – Қазақстан Республикасы Парламенті Сенаты аппараты Кадр жұмысы және ақпараттық қауіпсіздік бөлімінің меңгерушісі.
2021-2022 жылдары – Қазақстан Республикасы Президенті Кеңсесі бастығының орынбасары.
2022 жылғы 12 ақпанда Мемлекет басшысының Жарлығымен Қазақстан Республикасы Президентінің Қазақстан Республикасы Парламентіндегі өкілдігінің басшысы лауазымына тағайындалды.
Қазақстан Республикасының Құрмет грамотасымен марапатталған.
Отбасы жағдайы: үйленген, төрт баласы бар.