Құқық қорғау жүйесі бөлімі Қазақстан Республикасы Президенті Әкімшілігінің құрылымдық бөлімшесі болып табылады. Құқық қорғау жүйесі бөлімі қызметінің негізгі міндеттері: 1. Заңдылық пен құқық тәртібін сақтау, қылмысқа және сыбайлас жемқорлыққа қарсы күрес, құқық қорғау жүйесін жетілдіру мәселелері бойынша Президенттің қызметін қамтамасыз ету. Президентті және Әкімшілік басшылығын елдегі заңдылық пен құқық тәртібінің, құқық бұзушылықтың алдын алу және қылмыс пен сыбайлас жемқорлыққа қарсы күрестің, мемлекеттік органдардағы сыбайлас жемқорлық деңгейінің жай-күйі туралы хабардар ету; құқық қорғау жүйесін жетілдіру, заңдылық пен құқық тәртібін нығайту, оның ішінде құқық қорғау органдарын құру және қайта құру, олардың функциялары мен өкілеттіктерінің аражігін ажырату бойынша ұсыныстар енгізу; мемлекеттік органдардың заңдылық, қылмысқа және сыбайлас жемқорлыққа қарсы күрес, көші-қон саясаты саласындағы мемлекеттік саясатты іске асыруына, осы мәселелер бойынша Президенттің және Әкімшілік басшылығының бағдарламалық құжаттарын, актілері мен тапсырмаларын орындауына бақылауды жүзеге асыру; Президенттің және Әкімшілік Басшылығының қатысуымен өтетін заңдылық пен құқық тәртібін қамтамасыз ету, қылмысқа және сыбайлас жемқорлыққа қарсы күрес мәселелері бойынша іс-шараларды ұйымдастыру; прокуратура, қаржы полициясы, ішкі істер органдарының, қылмыстық-атқару жүйесі, кеден органдарының қызметін үйлестіруді және бақылауды қамтамасыз ету; Мемлекет басшысының құқық қорғау жүйесі саласындағы актілерінің жобаларын, оның ішінде стратегиялық және бағдарламалық құжаттарды әзірлеуге және сараптауға қатысу; Үкімет әзірлеген құқық қорғау жүйесі саласындағы заңнамалық актілер жобаларын Парламент Мәжілісіне енгізгенге дейін келісуге қатысу; Президентке қол қоюға енгізілетін құқық қорғау жүйесі саласындағы заңдарды сараптауға қатысу; Президенттің құқық қорғау саласындағы нормативтік құқықтық актілерінің мониторингін қамтамасыз ету; прокуратура, қаржы полициясы, ішкі істер органдары, қылмыстық-атқару жүйесі, кеден органдары орталық мемлекеттік органдарының стратегиялық жоспарларын келісуге, олардың мониторингі нәтижелерін қарауға қатысу; Бөлімнің құзыреті шегінде құқық қорғау органдарының лауазымды адамдарын қызметке тағайындау және қызметтен босату жөніндегі қорытындыларды зерделеу және Әкімшілік басшылығының қарауына енгізу; құқық қорғау органдарында және ұйымдарда мемлекеттік қызмет және кадрмен қамтамасыз ету жүйесін жетілдіру бойынша ұсыныстар енгізу; прокуратура, қаржы полициясы, ішкі істер органдарының, қылмыстық-атқару жүйесі, кеден органдарының қызмет нәтижелерін Президенттің қарауына дайындауды қамтамасыз етуге қатысу; Президент Әкімшілігі құрылымдық бөлімшелерінің көші-қон саясаты саласындағы қызметін үйлестіру. 2. Президент жанындағы консультативтік-кеңесші органдар қызметін қамтамасыз ету. Президент жанындағы Сыбайлас жемқорлыққа қарсы күрес жөніндегі комиссияның жұмыс жоспарының жобасын әзірлеу; Президент жанындағы Сыбайлас жемқорлыққа қарсы күрес жөніндегі комиссияның және оның жұмыс тобының отырыстарын, оларға материалдар дайындауды қамтамасыз ету; Президент жанындағы Сыбайлас жемқорлыққа қарсы күрес жөніндегі комиссия шешімдерінің орындалуын бақылау және оның қызметі туралы есептер дайындау; Президент жанындағы Жоғары әскери, арнайы және өзге де атақтар, сыныптық шендер жөніндегі комиссия отырыстарын және оларға материалдар дайындауды қамтамасыз ету; жоғары әскери, арнайы және өзге де атақтар, сыныптық шендер беру туралы Президент жарлықтарының жобаларын дайындау; 3. Президенттің өзге де өкілеттіктерін іске асыруды қамтамасыз ету. елдегі жағдай және Қазақстан Республикасының ішкі және сыртқы саясатының негізгі бағыттары туралы Президенттің Қазақстан халқына жыл сайынғы Жолдауының жобасын дайындауға қатысу; жеке және заңды тұлғалардың өтініштерін қарау, азаматтарды қабылдауды жүзеге асыру; Президент және (немесе) Әкімшілік басшылығы белгілейтін өзге де функциялар. ________________________________________________________________________________________________________________ Құқық қорғау жүйесі бөлімінің меңгерушісі