Сыртқы саясат және халықаралық байланыстар бөлімі Қазақстан Республикасы Президенті Әкімшілігінің құрылымдық бөлімшесі болып табылады.
Сыртқы саясат және халықаралық байланыстар бөлімі қызметінің негізгі міндеттері:
1. Қазақстан Республикасы Президентінің сыртқы саясат саласындағы өкілеттіктерін іске асыруды қамтамасыз ету
- ҚР Президенті қатысатын халықаралық іс-шаралар кестесін түзу және сыртқы саяси іс-шаралардың мазмұндық бөлігін қамтамасыз ету;
- ҚР Президентінің және Әкімшілік басшылығының шет елдердің саяси және қоғам қайраткерлерімен, халықаралық ұйымдармен өзара іс-қимылын қамтамасыз ету;
- ҚР Президентінің қызметін ақпараттық-талдаумен қамтамасыз ету; Қазақстан Республикасы сыртқы саясатының негізгі бағыттары және шетел мемлекеттерімен саяси ынтымақтастықты жетілдіру бойынша ұсыныстарды енгізу;
- сыртқы саясат және дипломатиялық қызмет мәселелері бойынша мемлекеттік басқару жүйесін жетілдіру бойынша ұсыныстар енгізу;
- мемлекеттік органдардың сыртқы саясатты іске асыруына, сыртқы саясат бойынша Президентінің және Әкімшілік басшылығының актілері мен тапсырмаларын орындауына бақылау жүргізу;
- Қазақстан Республикасының халықаралық шарттарын жасасу, қолданысын тоқтата тұру және тоқтату мәселелері бойынша құқықтық актілер мен шешімдердің жобаларын дайындауға қатысу; заң жобалары мен Мемлекет басшысына қол қоюға енгізілетін ҚР-ның заңдарына талдау жасауға, сондай-ақ сыртқы саясат мәселелері бойынша ҚР Президентінің актілерін, соның ішінде стратегиялық және бағдарламалық құжаттарды әзірлеуге қатысу.
2. ҚР Президентінің және Әкімшілік басшылығының өзге де өкілеттіктерін жүзеге асыру
- Мемлекет басшысының атына келіп түсетін жеке және заңды тұлғалардың өтініштерін бөлімнің құзыреті шеңберінде қарау жүргізу;
- ҚР Үкіметінің, мемлекеттік органдар мен уәкілетті тұлғалардың ҚР Президентінің алдында жасайтын есептерін, баяндамаларын, ақпараттарын қарауды дайындауға қатысу;
- Сыртқы саясат саласындағы өзге де функцияларды жүзеге асыру.
Қазақстан Республикасы Президенті Әкімшілігінің Сыртқы саясат және халықаралық байланыстар бөлімінің меңгерушісі
ҚҰСАЙЫНОВ Дәулетбек Қайырбекұлы
Туған жері, күні: 17.05.1977 ж., Солтүстік Қазақстан облысы.
Білімі: Ш.Уәлиханов атындағы Көкшетау университеті (1998 ж.); Еуразия гуманитарлық институты, экономика және бизнес бакалавры (2010 ж.); Стирлинг университеті, магистратура – дипломатия және қауіпсіздік (2016).
Еңбек өтілі:
1998-1999 жж. – Ш.Уәлиханов атындағы Көкшетау университетінің неміс тілі кафедрасының мұғалімі;
1999-2000 жж. – ҚР Қоршаған ортаны қорғау министрлігінің Тұрақты даму ұлттық орталығының консультанты;
2000-2004 жж. – ҚР Сыртқы істер министрлігінің Көпжақты ынтымақтастық департаментінің атташесі, үшінші, екінші хатшысы;
2004-2008 жж. – Қазақстан Республикасының Бельгия Корольдігіндегі Елшілігінің үшінші хатшысы;
2008-2009 жж. – ҚР Индустрия және сауда министрлігінің Сауда келіссөздері департаментінің басқарма басшысы;
2009-01.2014 жж. – ҚР ПӘ Сыртқы саясат орталығының консультанты, инспекторы, Сектор меңгерушісі;
02.2014 ж. – ҚР ПӘ Сыртқы саясат орталығы меңгерушісінің орынбасары;
09.2014-03.2017 жж. Қазақстан Республикасының Ұлыбритания және Солтүстік Ирландиядағы Елшілігінің кеңесші-уәкілі;
03.2017-07.2019 жж. – Қазақстан Республикасының АҚШ-тағы Елшілігінің кеңесші-уәкілі;
10.2019 ж. бері – ҚР ПӘ Сыртқы саясат және халықаралық байланыстар бөлімінің меңгерушісі.
Меңгерген шет тілдері: ағылшын, неміс және голланд (бастапқы деңгей).
Отбасылық жағдайы: үйленген, 3 баласы бар.